ພະຍາດເສັ້ນເລືອດສະໝອງ (Cerebrovascular disease, “Stroke”)
ພະຍາດເສັ້ນເລືອດສະໝອງ (Cerebrovascular disease ຫຼື
Cerebrovascular accident ຫຼື Stroke)
ເປັນອາການໜິ່ງທີ່ເລືອດບໍ່ສາມາດໄຫຼວຽນໄປລ້ຽງສະໝອງໄດ້ ເຮັດໃຫ້ສະໝອງຂາດເລືອດ ແລະ
ອົກຊີເຈນ, ເຊິ່ງເກີດຈາກເສັ້ນເລືອດທີ່ລໍາລຽງເລືອດໄປລ້ຽງສະໝອງຕີບຕັນ ຫລື
ແຕກສົ່ງຜົນໃຫ້ຈຸລັງຂອງສະໝອງຕາຍ ແລະ ເປັນສາຍເຫດໜິ່ງຂອງການເສຍຊີວິດ ແລະ
ການພິການຖາວອນໃນທົ່ວໂລກ.
ອົງການອະນາໄມໂລກໄດ້ໃຫ້ຄໍານິຍາມກ່ຽວກັບພະຍາດເສັ້ນເລືອດສະໝອງຄື
“Rapidly developed clinical
signs of focal (global) disturbance of cerebral function lasting more than 24
hours or leading to death, with no apparent cause other than a vascular origin”
ພະຍາດເສັ້ນເລືອດສະໝອງເປັນບັນຫາດ້ານສາທາລະນະສຸກທີ່ສຳຄັນໃນທົ່ວໂລກ,
ອົງການອຳມະພາດໂລກ (World Stroke
Organization: WSO, https://www.world-stroke.org/) ລາຍງານວ່າ,
ພະຍາດເສັ້ນເລືອດສະໝອງເປັນສາຍເຫດສຳຄັນຂອງການເສຍຊີວິດໃນທົ່ວໂລກ,
ທົ່ວໂລກມີຄົນເຈັບທີ່ເປັນພະຍາດນີ້ປະມານ 80 ລ້ານຄົນ ແລະ
ພິການຈາກພະຍາດເສັ້ນເລືອດສະໝອງປະມານ 50 ລ້ານຄົນ, ໂດຍສະເພາະໃນກຸ່ມປະຊາກອນທີ່ມີອາຍຸ
60 ປີຂຶ້ນໄປ. ຄາດການວ່າໃນແຕ່ລະປີຈະມີຜູ້ເສຍຊີວິດຈາກພະຍາດດັ່ງກ່າວນີ້ເຖິງປະມານ 6
ລ້ານຄົນ ແລະ ຍັງພົບຄົນເຈັບໃໝ່ເຖິງ 13,7 ລ້ານຄົນຕໍ່ປີ ໂດຍພົບວ່າ 1 ໃນ 4 ເປັນຄົນເຈັບທີ່ມີອາຍຸ
25 ປີຂຶ້ນໄປ ແລະ ປະມານ 60% ເສຍຊີວິດກ່ອນໄວອັນຄວນ. ຄາດການວ່າ
ຄວາມສ່ຽງຂອງການເກີດພະຍາດເສັ້ນເລືອດສະໝອງໃນປະຊາກອນໂລກປີ 2020 ພົບວ່າທຸກໆ 4
ຄົນຈະມີຜູ້ເຈັບເປັນດ້ວຍພະຍາດເສັ້ນເລືອດສະໝອງ 1 ຄົນ
ຂໍ້ມູນຈາກອົງການອະນາໄມໂລກ (World Health Organization) ລະບຸວ່າ,
ພະຍາດເສັ້ນເລືອດສະໝອງເປັນສາຍເຫດຂອງການຕາຍທີ່ສຳຄັນອັນດັບໜິ່ງໃນເພດຍິງ ແລະ
ອັນດັບສອງໃນເພດຊາຍໃນທົ່ວໂລກ, ນອກນັ້ນຍັງພົບວ່າ ພະຍາດເສັ້ນເລືອດສະໝອງຍັງເປັນພະຍາດທີ່ເປັນສາຍເຫດຂອງການສູນເສຍປີສຸຂະພາລະ
(Disability-adjusted life year,
DALYs) ທີ່ສໍາຄັນອັນດັບທີສອງທັງເພດຊາຍ ແລະ ຍິງ ໃນທົ່ວໂລກ,
ໂດຍຄາດການວ່າ, ຈຳນວນຄົນເຈັບ, ພິການ ແລະ
ເສຍຊີວິດຈາກພະຍາດດັ່ງກ່າວນີ້ມີແນວໂນ້ມຈະສູງຂຶ້ນໃນອະນາຄົດ, ໂດຍສະເພາະໃນບັນດາປະເທດທີ່ກຳລັງພັດທະນາມີລາຍຮັບຕໍ່າ
ແລະ ປານກາງ, ປະຊາກອນໃນທົ່ວໂລກເຂົ້າສູ່ພາວະຜູ້ສູງອາຍຸຫລາຍຂຶ້ນ
ຈາກລະດັບການກ້າວເຂົ້າສູ່ສັງຄົມຜູ້ສູງອາຍຸ (Aging society)
ໄປເຖິງລະດັບສັງຄົມຜູ້ສູງອາຍຸເຕັມທີ່ (Super-aged society).
Comments
Post a Comment